Video
Read full review
2016-05-30
745 views
今日去咗一間好靚嘅餐廳，如果唔係朋友介紹，都唔知希雲道開咗間咁有特色嘅餐廳。就咁睇門面已經同成條街嘅食店有所不同，入到去樓底極高，有木製餐桌及彩繪玻璃窗，座位寬敞， 有一個好大嘅酒吧，圍住一行吧椅，唔同嘅酒類同酒杯互相輝映，令到成個酒吧閃閃生輝。酒類嘅Menu竟然比主菜更多，可見Frites以酒為先，看到全部英文嘅Menu，有選擇困難症的我，真的不知如何揀。桌子上放了不同種類的醬料。Steak Tartare $185生牛肉他他係自己近期最愛，厚厚既牛肉山，再配上脆多士。先將生牛肉上既蛋篤穿，再撈勻牛肉，然後搽上多士食。牛肉完全無腥味，而且非常腍口同滑，加上香脆既多士，口感獨特。Frites House Mussels (1/2kg) $235其實青口已經有6款可以揀，可見餐廳主打菜式係青口。可以揀1/2kg或者1kg，而呢個味道係店員推介比我，估唔到都幾好食，一個大煲載住滿滿既青口，有廿幾隻咁多，而且仲有好香既湯浸住，材料有蕃茄、蒜、洋蔥、忌廉同韮黃。飲落去湯好creamy，青口亦都好大粒，而我就鐘意打開青口殼，用殼載住湯再食青口，十分鮮甜。旁邊仲有麵包同埋薯條。比利時薯條同一般薯條
就咁睇門面已經同成條街嘅食店有所不同，入到去樓底極高，有木製餐桌及彩繪玻璃窗，座位寬敞， 有一個好大嘅酒吧，圍住一行吧椅，唔同嘅酒類同酒杯互相輝映，令到成個酒吧閃閃生輝。
酒類嘅Menu竟然比主菜更多，可見Frites以酒為先，看到全部英文嘅Menu，有選擇困難症的我，真的不知如何揀。
桌子上放了不同種類的醬料。
Steak Tartare
40 views
0 likes
0 comments
Steak Tartare $185生牛肉他他係自己近期最愛，厚厚既牛肉山，再配上脆多士。先將生牛肉上既蛋篤穿，再撈勻牛肉，然後搽上多士食。牛肉完全無腥味，而且非常腍口同滑，加上香脆既多士，口感獨特。
Frites House Mussels
68 views
0 likes
0 comments
Frites House Mussels (1/2kg) $235其實青口已經有6款可以揀，可見餐廳主打菜式係青口。可以揀1/2kg或者1kg，而呢個味道係店員推介比我，估唔到都幾好食，一個大煲載住滿滿既青口，有廿幾隻咁多，而且仲有好香既湯浸住，材料有蕃茄、蒜、洋蔥、忌廉同韮黃。飲落去湯好creamy，青口亦都好大粒，而我就鐘意打開青口殼，用殼載住湯再食青口，十分鮮甜。旁邊仲有麵包同埋薯條。比利時薯條同一般薯條冇乜分別，麵包好脆，搽上牛油之後味道提升，連埋湯一齊食一流，餐廳既麵包真係好好食。
750 Gram Roasted Pork Knuckle
52 views
0 likes
0 comments
750 Gram Roasted Pork Knuckle $245大大隻豬手上枱時已經切好，所以食既時候已經唔駛花心思去切。一般既豬手對放配菜都唔著重，但呢度既豬手即使配菜都好充足。五顏六色既配菜有大量脆肉瓜，蘿蔔，薯仔伴碟，唔會得豬手咁齋，配菜焗得腍身，盡吸收豬手的精華，很好吃。講番豬手，皮夠香脆，脂肪同肉既比較均勻，肉汁豐富，而且夠大碟，一班人share食就岩晒。
Hot Chocolate Fondant
46 views
0 likes
0 comments
Hot Chocolate Fondant $90心太軟一篤開，入邊的朱古力醬便立即湧出來，蛋糕鬆軟濕潤，朱古力味香濃，吃過甜甜的心太軟很滿足。
兩個人食咁多野，真係飽到行唔郁，食物環境都咁正，環境寧靜適合傾計，下次要再介紹朋友黎食。
Other Info. :
店員服務態度親切友善，會比意見客人應該揀咩食物，仲主動幫客人影想😂
平日下午3:00-7:00 Happy Hour 時段以半價供應生啤、精選葡萄酒及烈酒。
(The above review is the personal opinion of a user which does not represent OpenRice's point of view.)
Post
