金田家 (Closed)

今日一早番完教會就同老公囝囝番咗荃灣食午餐,本身有諗過去新天地嘅唐宮小聚飲餐茶。不過又好想試吓新嘢囉，見到間裝修幾靚嘅拉麵店有親子丼，望望入面又有BB high chair，就安心帶埋囝囝入去試試。坐低即刻叫咗個親子丼，即刻叫爸爸試吓味睇吓會唔會好鹹，爸爸話個未OK喎唔會好鹹啱晒仔仔食。😍之後嗱嗱臨叫咗兩個拉麵食，黑豚拉麵個湯底幾好味，啲肉都幾多，我都瞓咗幾件肉俾老公食。老公另外叫咗個柚子湯拉麵，湯底真係有d甜甜嘅柚子味，不過老公話甜嘅湯底有啲怪，佢都係覺得黑豚拉麵個湯底正啲。