天鳥居酒屋

Open Now

Now Closed

間唔中都會去天水圍嘅T Town 商場行街，今次lunch 就去左呢間親民價格嘅居酒屋。餐廳裝修主打日式居酒屋嘅風格，好似極速去左日本一趟🤣而且，佢午餐仲要係免加一！➰ 吉列豬扒定食 $67 吉列豬扒炸到金黃香脆，食落鬆脆唔硬。小食方面則揀選左牛肉薯餅 ，都係炸到好鬆脆，食落有牛肉醬嘅涵料！➰ 串燒北海帆立貝手打烏冬 $82一上檯就見到兩大串嘅北海帆立貝，佢粒粒都大大粒，好飽滿，配上醬油後味道更佳！手打烏冬好彈牙，份量足夠。小食方面則選擇了日式抹茶蕨餅，好軟糯仲好香綠茶味！➰ 活赤貝刺身 $60冰震活赤貝刺身真係好新鮮，食落好爽口。➰ 柑桔檸檬百香果茶 （餐飲）無甜嘅柑桔檸檬百香果茶真係好天然，午市餐飲仲可以無限量添加，性價比高。