616牛肉火鍋專門店 (星峰薈) (Closed)

打邊爐真係唔會厭倦，久唔久有時間想嘆下食飯，都會揀打邊爐飲杯酒。今次再揀616，專食牛！又有啤酒！滿足幾個願望！先揀湯底，揀咗牛雜。今次餐廳主打信州和牛，呢款牛用蘋果做飼養，肉質肥美仲會柔軟啲，產地直送，點三款和牛會送一款五花趾。三款分別有赤身 牛腹肉 牛肩胛的確肉質好嫩，但唔鞋口，三種當中牛肩胛最肥美，油味最重。赤身的肉味最濃。值得一讚，餐廳自家牛肉汁加青檸，同和牛好夾。五花趾，筋肉分明，爽少少似牛𦟌。另外仲點咗滑尾龍，牛駝峰，牛舌。加咗蛋嘅滑尾，有啲似滑牛，爽身彈牙。牛駝峰肉味最濃，有咬口。除咗牛，仲食咗蛋餃，貢丸，加一堆菜。以出街打邊爐嚟講，價錢好親民，飲品16元有交易，不到20元有出前一丁或烏冬。鍾意嘅酒話，仲可以揀手工啤，58至78元有交易。