雲壽司 (Closed)

📍雲壽司 (太子)之前見壽司關注組好多人推薦呢間，耐冇食就試下。可以一個人叫omakase，一個人叫丼。兩個人share可以食得豐富又唔算好貴🤪。✨廚師發辦 吟 $680⭐️刺身7點：鮫鰈 八爪魚 帆立貝 粒貝 油甘魚 牡丹蝦 吞拿魚腩爽脆嘅鮫鰈肉包住炙燒鮫鰈裙邊，多份油香更滋味。八爪魚有𡁻勁但唔會太韌。粒貝有啲潮香，食得慣會幾鐘意。帆立貝大大粒，鮮甜又有啲糯口。⭐️壽司7點：石垣貝 縞蝦 伊佐木 鯖魚海膽 金目鯛 腦天石垣貝尾部翹起似係活貝。入口果然味道甘甜，厚身爽脆。縞蝦口感爽彈，但可惜當日來貨味道較淡。鯖魚極新鮮，唔需要醋漬都好食。腦天經過炙燒味道濃郁，幾乎入口即化。⭐️手卷1件：吞拿魚蓉手卷啱啱食完腦天，有啲味覺疲勞。不過吞拿魚蓉幼滑無筋係幾好食⭐️麵豉湯✨北海丼 $208吞拿魚腩 油甘魚 赤貝 牡丹蝦 海膽 三文魚 三文魚子最欣賞係佢哋嘅三文魚子，次次嚟食都咁高興。粒粒渾圓飽滿，鹹香鮮甜。赤貝口感爽脆，但味道唔算濃。北海道海膽頗鮮甜，幾乎冇明礬味，作為丼飯配料合格有餘。