Video
Read full review
2018-05-18
140 views
2018.5.17今日同妹出開黃大仙！行開黃大仙中心，見到呢間食堂好似好好味好受歡迎，於是決定一試！餐廳環境好舒適，服務態度亦非常好，員工好有禮貌。首先，叫左個芒果三文魚蟹籽沙律$75，份量都好大盤下，沙律醬不會水稀稀的，而是平均分佈沙律間，蟹籽份量給得很足又脆卜卜的，青瓜絲亦夠爽脆，芒果亦十份甜，再配合三文魚同蟹柳，口感夠十分好味，值得再encore同推介然後點左個三點刺身盛B，有虎蝦4塊，三文魚3塊，章紅魚2塊，虎蝦仲特別配以越式醬汁，酸酸辣辣，好惹味。三文魚同章紅魚亦好厚切，好新鮮。再點左個珍寶赤蝦海鮮丼同妹妹share! 份量好夠，個赤蝦好鮮甜，帶子亦好大粒甜滿！性價比好高！再點左個白咖喱烏冬，一上枱同我想像食開的有些出入，亦好有驚喜。開初不知係咩東東，原來這個白咖喱烏冬，係將舖面的cream撈匀下面的咖哩去食，咖哩本身好惹味少辣，烏冬亦好彈滑，好正！炸雞就略嫌不夠脆嫩，但都好味作為一個新嘗試可以一試。我十分喜愛牛油果，於是點左呢個牛油果炸蝦卷，有四件大大件，呢個好好味，超推薦，炸蝦夠脆，蟹籽足，口感超好超夾。由於妹妹係超級抹茶控，所以最後點左個嶡餅白玉宇治抹茶雪糕作結。個綠茶
今日同妹出開黃大仙！行開黃大仙中心，見到呢間食堂好似好好味好受歡迎，於是決定一試！
餐廳環境好舒適，服務態度亦非常好，員工好有禮貌。
首先，叫左個芒果三文魚蟹籽沙律$75，份量都好大盤下，沙律醬不會水稀稀的，而是平均分佈沙律間，蟹籽份量給得很足又脆卜卜的，青瓜絲亦夠爽脆，芒果亦十份甜，再配合三文魚同蟹柳，口感夠十分好味，值得再encore同推介
然後點左個三點刺身盛B，有虎蝦4塊，三文魚3塊，章紅魚2塊，虎蝦仲特別配以越式醬汁，酸酸辣辣，好惹味。三文魚同章紅魚亦好厚切，好新鮮。
再點左個珍寶赤蝦海鮮丼同妹妹share! 份量好夠，個赤蝦好鮮甜，帶子亦好大粒甜滿！性價比好高！
再點左個白咖喱烏冬，一上枱同我想像食開的有些出入，亦好有驚喜。開初不知係咩東東，原來這個白咖喱烏冬，係將舖面的cream撈匀下面的咖哩去食，咖哩本身好惹味少辣，烏冬亦好彈滑，好正！炸雞就略嫌不夠脆嫩，但都好味作為一個新嘗試可以一試。
白咖喱烏冬
29 views
0 likes
0 comments
我十分喜愛牛油果，於是點左呢個牛油果炸蝦卷，有四件大大件，呢個好好味，超推薦，炸蝦夠脆，蟹籽足，口感超好超夾。
由於妹妹係超級抹茶控，所以最後點左個嶡餅白玉宇治抹茶雪糕作結。個綠茶雪糕好滑好夠綠茶味，妹妹十分讚賞，但旁邊的白玉丸子就稍為淡味左，但勝在夠煙韌！個嶡餅都做得不錯。
整體而言，服務良好，環境舒適，價格不太貴夠親民，食物款式亦多元化，係性價比高的食堂。回頭率好高
Post
