逸 壽司 (Closed)

而家親民價錢OAMAKASE壽司店愈開愈多，負擔得起當然又要食好野😉今次黎到逸壽司，叫左特上壽司盛(10枚)($238)、枝豆($18)、芥末八爪魚($38)餐廳內裡坐位都係BAR枱位置，可以近距離見到師傅整壽司👍🏻仲可以見到 BAR枱位置準備好嘅食材，睇落幾有光澤夠新鮮😉咁啱師傅拎左個未切嘅吞拿魚出黎，大大件，淨係見到已經流緊口水🤤先送上沙律同麵豉湯，最中意係沙律菜爽脆，配麻醬幾滋味，麵豉湯飲完暖一暖胃芥末八爪魚：八爪魚爽口有彈性，芥末辣度剛好，唔會太攻鼻😉枝豆：味道清新，份量唔算少，喺等緊師傅整壽司嘅時候慢慢嘆，作為小食幾好😄特上壽司盛：呢個SET指定10款壽司，包括吞拿魚腩、深海池魚、油甘魚、真鯛、火炙金線鯛、池魚、牡丹蝦、帶子、海膽、三文魚籽，整體D壽司都幾新鮮，所以呢個價錢係非常親民抵食👍🏻油甘魚、真鯛味道比較清淡而帶出魚嘅鮮味😉火炙金線鯛輕燒過後令油香更突出😋池魚、深海池魚呢2款魚都好肥美同香口😎吞拿魚腩非常肥美，入口即溶🥰海膽份量足，CREAMY之餘鮮甜無比🤩牡丹蝦食落彈牙，味道勁鮮甜🤤三文魚籽大大粒，晶瑩剔透，幾爽口😋指定壽司套餐水準都幾高，睇住師傅整，見佢都幾用心👍🏻