Video
Read full review
2020-02-06
664 views
琴日夜晚經過深水埗， 見到呢間天下茶屋餐牌好似幾吸引， 而且價錢唔貴， 於是就入嚟一試。張落餐紙都好精緻，好日系啊， 滿滿的少女心啊😂最後叫咗一個唐揚雞球咖哩飯、 一個火炙帆立貝湯烏冬，同一杯寒天袖子烏龍茶。唐揚雞球咖哩飯， 揀咗激辛， 係有啲辣嘅， 但就真係未至於激， 應該話係唔係幾夠激😂但咖哩汁都算濃郁，味道都唔錯， 雞球嘅份量就唔太多， 但都算ok嘅，都幾香口，但就有啲似係翻炸嘅。火炙帆立貝湯烏冬， 有四種湯底可以揀， 而且唔係普通嗰啲湯底， 都幾特別， 喺黑松露忌廉湯同明太子忌廉湯之間糾結咗好耐， 最後勝出嘅佳麗係明太子忌廉湯， 個湯一嚟到就睇落好吸引咁， 忍唔住即刻想飲一啖。 點講好呢， 好似就唔係好明太子， 反而唔知點解有種似係蕃茄薯仔湯嘅味道， 雖然唔係好明太子， 但我自己覺得都幾好飲嘅， 而且個湯好濃稠， 唔係平時稀溜溜嗰啲湯水，濃稠既湯會令人想飲完再飲。 火炙帆立貝都有五六粒， 而且都算幾大隻，味道正正常常咁。呢杯寒天袖子烏龍茶， 雖然唔算好大杯， 但都算幾足料， 入面有好多(蒟蒻?)，唔太肯定， 同埋袖子皮， 應該係平時人哋用黎用袖子食得果種， 就咁飲上面嘅有支烏龍
張落餐紙都好精緻，好日系啊， 滿滿的少女心啊😂
最後叫咗一個唐揚雞球咖哩飯、 一個火炙帆立貝湯烏冬，同一杯寒天袖子烏龍茶。
唐揚雞球咖哩飯， 揀咗激辛， 係有啲辣嘅， 但就真係未至於激， 應該話係唔係幾夠激😂
但咖哩汁都算濃郁，味道都唔錯， 雞球嘅份量就唔太多， 但都算ok嘅，都幾香口，但就有啲似係翻炸嘅。
火炙帆立貝湯烏冬， 有四種湯底可以揀， 而且唔係普通嗰啲湯底， 都幾特別， 喺黑松露忌廉湯同明太子忌廉湯之間糾結咗好耐， 最後勝出嘅佳麗係明太子忌廉湯， 個湯一嚟到就睇落好吸引咁， 忍唔住即刻想飲一啖。 點講好呢， 好似就唔係好明太子， 反而唔知點解有種似係蕃茄薯仔湯嘅味道， 雖然唔係好明太子， 但我自己覺得都幾好飲嘅， 而且個湯好濃稠， 唔係平時稀溜溜嗰啲湯水，濃稠既湯會令人想飲完再飲。 火炙帆立貝都有五六粒， 而且都算幾大隻，味道正正常常咁。
呢杯寒天袖子烏龍茶， 雖然唔算好大杯， 但都算幾足料， 入面有好多(蒟蒻?)，唔太肯定， 同埋袖子皮， 應該係平時人哋用黎用袖子食得果種， 就咁飲上面嘅有支烏龍茶都還不錯， 但如果吸埋啲袖子好似就唔太夾， 因為啲味冇混合埋一齊， 而係好明顯飲到兩種味， 就覺得唔太夾咁， 但亦都可能係我個人唔太好呢種味， 未必係唔好飲嘅。
PS 見到隔離枱嘅芝士焗飯同小食都好似好吸引， 作為芝士控， 平時一定會叫芝士咖哩飯， 可惜琴日晏晝實在食得太飽太飽， 唔知下次有冇機會試到芝士咖喱飯同小食呢。
Post
