Olive Cafe (和富中心) (Closed)

晚餐石燒之選，價錢親民不特只，沙律、餐湯同日本珍珠米飯仲可以無限量添加。餐廳提供胡麻醬同和風醬汁俾食客作沙律醬汁。而另一個位置就提供咗蒜蓉汁同牛肉汁、俾大家點石燒扒類之用。Olive冇骨雞髀扒200g大大塊嘅雞髀扒，去哂骨啖啖肉。基本上已經熟咗先上枱，所以唔使再喺石上燒好耐。雞髀扒夠哂嫩滑，當然係配上蒜蓉汁最正啦。澳洲M5黑毛和牛板腱牛板腱大約五成熟，再喺熱石上燒一陣，就更加perfect。牛板腱粉紅香嫩，雖然有拎到牛肉汁，但其實灑上岩鹽同黑椒先係最好味。惠顧晚餐石燒之選，加$12就可以有茶、啡或汽水。加$18仲可以品嘗奶昔或各式特飲添。