梳乎厘 (Closed)

住上水既奶奶同老爺之前黎過，話呢間新開既餐廳幾好味，所以就同佢地再黎試下~ 六點幾黎，有四五檯，到七點半已經滿座了 ~門面同裡面裝潢都係簡單為主，親民路線 ~ i like ~頭盤可以揀餐湯或沙律，四個人食，兩樣都試下先 ~ 呢個沙律好味，酸酸地開胃~ 食到唔記得份d俾老公試下~老公飲既呢個湯，飲左幾啖就叫我試，非一般既白湯，有d似薯仔蓉既味，good呀~奶奶食既青口意粉，我無食過，不過奶奶話好味，唔鍾意食芝士味既奶奶都食晒，唔漏~老爺上次都係食牛，但四成已經覺熟左d，今次三成，切開又無血淋淋，我唔食生牛既都試左，只覺嫩，無生到咬唔開，配上汁，味道好好~ good ~老公食龍脷魚，外脆，裡面滑嘟嘟，加埋個香檳忌廉汁，濕濕地，好味~我既係是日推介，牛係酥皮牛肋骨，唔係晚餐，不過加$2X可以轉餐，有湯/沙律+飲品~ 拆開左就被吸引了，唔記得映相..嘻嘻~~~唔太濃味既汁，配淡淡既薯蓉(應該無加奶同鹽的)，以為會淡味，加埋件肉，又剛剛好~愈食愈濃味~~oh ~ 賣飛佛 !最後梗要試下招牌甜品，好靚又好味道 ~~整體上，覺得食物唔太搶味，但又有佢既特色，令人食得舒服 ~ 服務態度好，親切 ~