韓閣 (富裕樓) (Closed)

今日經過荃灣路德圍, 就去咗韓閣食飯, 食物價錢超親民, 一入到去店員就會上前菜俾你, 有齊泡菜, 芽菜, 同埋醃蘿蔔🤣我就叫咗韓閣雜錦蛋卷🍳 面頭超多蟹子, 入面都幾足料, 而且仲可以拉絲🤣食韓國嘢點少得紫菜包飯, 我就叫埋牛肉雜菜紫菜飯卷, 每舊都超飽滿, 口感豐富😋另外, 我都叫咗原條鰻魚泡菜石鍋飯(配熱紫薯牛奶) 鰻魚超大條, 肉質爽口, 配埋泡菜幾夾, 底個到仲有少少飯焦👍特飲超香紫薯味, 仲有d 紫薯蓉溶左係牛奶入面最後仲可以加配特價小食, 我就叫咗流心芝士麻糬波, 外脆內軟; 同埋黃金帶子,面頭炸到金黃色, 好香口