居酒屋·姫 (Closed)

日本係大部分香港人既家鄉，但疫情關係，已經好耐冇去過，所以好多人都會得閒食下日本餐，一解相思之苦，但做咗成日野，最希望就可以舒服咁食個飯，同朋友聚一聚，居酒屋就最啱啦，所以今日就嚟到呢一間位於尖沙咀諾士佛台盡頭既居酒屋•姫一入到嚟既時候，環境好舒適好寧靜，裝修真係令我好似去咗日本咁呀餐牌有好多唔同款式既食物，花多眼亂，咩都想食呢嚟到居酒屋點能夠唔叫炸物呢，我哋叫咗一個海老天婦羅同炸野菜餅，蝦好彈牙好爽，粉漿做得好好，炸既時間剛好，好脆唔漏唔油，食落清爽，送酒一流另外店員都話今日既魚類好新鮮，值得一試，叫咗個鰤魚酒粕漬同出面比較少食到既鹽燒香魚酒粕漬係日本傳統烹調食物既方法，日本清酒出哂名，而清酒壓榨後剩下的就是酒粕。酒粕漬外表褐色並有淡淡酒香，呢家既鰤魚當造肥美，配上酒粕漬，更能帶出魚既鮮甜味香魚聞上嚟有種特別既香氣，而且只有一年壽命，咁罕有既魚有得食當然要試，簡單鹽燒已經帶出到佢個種回甘既味道作為飯桶既我哋，點都要嗌返啲壽司食下，最令我驚艷既就係厚燒玉子壽司,佢同出面既舖頭唔同，佢係用兩舊厚玉子夾住赤醋飯，赤醋同樣係由酒粕釀制，酸味加上酒香，配上甜蛋，令到成件事味道更昇華，口感更好