鮨一 (厚福街)

Open Now

Now Closed

係尖沙咀搵質素高、價錢又親民嘅日本菜，呢間會係好選擇。白子刺身 - 初初唔係好敢食，但一試難忘。完全唔腥，口感幼滑，有乳狀口感，配上醬油味道好唔錯。香箱蟹 -當然出色在蟹籽同蟹膏，非常鮮味。火山卷 - 喜歡海膽嘅朋友一定唔可以錯過。大量嘅海膽，視覺上已經好滿足。鮮味甘甜，再加上三文魚籽，高質。「蘭」、「菊」丼 - 前者有海膽、炙燒左口魚邊、吞拿魚腩蓉同三文魚籽，；後者有蜜甘鯛、三文魚腩、油甘魚同海膽。兩者配上特色赤醋壽司飯，唔係每一間日本餐廳都有架。比一般壽司飯更具層次感，帶醋香及酒香，配上刺身更美味。秋刀魚刺身 - 刺身雕成葉嘅形狀，賣相好靚，師傅刀工了得。魚肉好鮮甜，油香十足。特盛鰻魚 - 足足有我前臂咁長，好肥美。蒲燒醬汁加上焦香同芝麻香，不錯。味噌煮牛舌 - 以味噌炆煮牛舌同蘿蔔，好腍好入味。三文魚海膽炒飯 - 以三文魚粒同海膽炒飯，增添不少鮮味。