Video
Read full review
2022-02-24
1973 views
過年前，與兩位老友食晏聚一聚，數數手指，真喺有兩年時間無見，當時疫情未咁嚴峻，叫做還可以出嚟。不過，中環放飯時間一向好爆人，所以，專登揀咗「汴京茶寮」，一來縮咗上雲咸街比較靜侷，二來睇啲食評感覺又好似幾有質素，故此，篤定晌度試試。由鋪面到室內，見到好多吉蒂貓，原來兩者聯乘推出咗好多關聯產品，不過，小弟就唔多好，影影相留個底。至於內裡嘅環境，一室淺木色為主，明顯喺走和風路線，加上環境算寬敞，配以柔和燈光，整體感覺幾舒服，牆上又放置唔少日式工藝品，更添雅氣。因為位置問題，正正喺食午飯嘅高時段，都喺唔多人，大家都各自走位隔開啲。而最入位置，更搭建咗一個鋪上榻榻米嘅日本茶室，喺用作教茶道之用。而呢道，除供應食物，亦喺推廣茶道文化。午餐方面，比預期少選擇，好多款式都無，店員解釋因來貨問題，只好暫停供應。而今日就只有兩款肉類定食及一款冷蕎麥麵套餐，外間天氣仲喺寒寒哋，所以，我哋都喺揀熱嘅定食。日式照燒雞排定食 $108好奇怪，我哋點咗兩客雞排定食，一客都幾快上，但另一客就無晒影，向一個店員反映完，之後又向另一個店員反映，結果，相隔近廿分鐘先嚟埋，真喺唔太知佢哋上菜嘅流程，同一張單，同一款菜式，唔
由鋪面到室內，見到好多吉蒂貓，原來兩者聯乘推出咗好多關聯產品，不過，小弟就唔多好，影影相留個底。
至於內裡嘅環境，一室淺木色為主，明顯喺走和風路線，加上環境算寬敞，配以柔和燈光，整體感覺幾舒服，牆上又放置唔少日式工藝品，更添雅氣。因為位置問題，正正喺食午飯嘅高時段，都喺唔多人，大家都各自走位隔開啲。
而最入位置，更搭建咗一個鋪上榻榻米嘅日本茶室，喺用作教茶道之用。而呢道，除供應食物，亦喺推廣茶道文化。
午餐方面，比預期少選擇，好多款式都無，店員解釋因來貨問題，只好暫停供應。而今日就只有兩款肉類定食及一款冷蕎麥麵套餐，外間天氣仲喺寒寒哋，所以，我哋都喺揀熱嘅定食。
日式照燒雞排定食 $108好奇怪，我哋點咗兩客雞排定食，一客都幾快上，但另一客就無晒影，向一個店員反映完，之後又向另一個店員反映，結果，相隔近廿分鐘先嚟埋，真喺唔太知佢哋上菜嘅流程，同一張單，同一款菜式，唔知點解會咁。個照燒雞排小弟就無試，味道唔知喺點，但睇得出份量就好十足，而老友就話唔錯，照燒汁做得好香濃，雞排亦皮脆肉滑，
日式洋蔥豚肉定食 $128小弟就揀食洋蔥豚肉，每份定食都配海老味噌湯及是日手沖茶，而我嘅定食都好快到，同樣，份量都頗有睇頭，飯面堆滿洋蔥炒豚肉，又加咗唔少紫菜碎，增添風味。
海老味噌湯初時以為會有啲蝦肉，飲完喇，都唔喺好覺，你話有無蝦鮮味，亦都唔多明顯，還好嘅喺，個麵豉味都算濃郁，如單以一碗味噌湯而言，本身都唔差。
洋蔥豚肉丼啲豚肉炒得頗嫩滑，又充滿洋蔥香，而特別一提嘅喺，餐牌已標明用上日本岩手縣白米，之不過，佢哋又話好多物資供應短缺，所以，都唔知啲米仲喺唔喺日本嚟，但入口黏糯，富米香，都喺啲高質素嘅米種。
是日手沖茶佢哋啲手沖茶又確喺幾有一手，是日嘅西湖龍井，紙杯裡面原來以茶隔放有原片茶葉，沖泡出嚟嘅氣味非常芳香，飲落味道醇和。如果唔啱飲，或有啲特別款式想試，可以+$20轉飲其他茶種亦可以。仲有，每個杯身都印上一些標語，頗文青風。
整體，環境喺幾舒服，裝修又幾有亮點，不過，食物選擇少，質素唔叫好突出，亦唔算差，至於服務一環真喺要扣分，除其中一客照燒雞排丼遲遲都未上到之外，啲手沖茶亦喺提完又提先上足！
Post
