紅茶冰室

Open Now

Now Closed

近排係某區群組，紅茶相當出位，追捧要到該區開店；我好好奇，所以今日沙田返工前就碌去紅茶，嚐個味。無記錯間間紅茶都係依個款既類似裝修，全個舖頭卡位居多。侍應人手都幾充足，繁忙早餐時間都唔需要話等落單；地方都乾淨，加入依間紅茶都唔係開左幾耐，整體來講都好新淨。早餐唔算選擇好多，不過不失啦！如果計全日早餐，價錢唔算好貴；其他餐就正常價錢啦！最後叫左個雙拼粉面E餐，餐肉煎蛋米配走甜凍檸茶。份量正常，米粉唔算多，煎蛋有兩隻，算係咁；餐肉方面就，正正常常啦！但係如果可以煎耐少少🤏🏻咁就好啦！同埋餐肉唔算厚切，但起碼唔係薄如卡，都係不過不失系列。檸檬茶方面我就覺得茶底還可以，但略嫌淡口左D，茶味明顯唔係好夠。