Video
Read full review
2021-10-25
181 views
餐廳：人和月雞煲火鍋店 (尖沙咀)地址：尖沙咀海防道38-40號中達大廈3樓講到尖沙咀你又會諗起乜嘢餐廳呢🍴？你會去邊頭覓食😗？厚福街？金馬倫道？韓國街？諾士佛台？我最近就去咗尖沙咀海防道呢間開咗一個月多啲嘅新火鍋店——人和月雞煲火鍋店 打邊爐🍲「忘掉世間哀傷，圓月只配掛在團聚晚上」嚟到呢間火鍋店，見到大大隻「人和月」嘅字再加上八月十五圓滿嘅月亮圖案🌕，不禁提起我要享受每一餐飯，畢竟我哋無人知聽日會點，都唔會知自己壽命幾時會終結，珍惜、享受，唔知你哋又做唔做到呢🥺？依家新開期間有九折優惠，即喺免咗加一服務費，7:30pm前離座價錢再平啲🤑，$198起就可以任食120分鐘，火鍋店總共有三個「吃到飽」套餐可以揀，有普通打邊爐食勻豬牛雞嘅「精選品嚐」套餐；有埋韓式芝士雞、麻辣雞煲或者酸菜魚嘅「特選滿足」套餐；想食埋海鮮同多款靚牛肉可以揀「大滿貫」套餐。而我今次就5點入座揀咗個$268嘅「特選滿足」吃到飽😋入座起計頭90分鐘可以掃QR code添加特色食物，例如嚴選美國牛下肩、精選美國金錢展、特級美國牛胸爽、高級美國雪花肥牛、日本黑豚肉、日本黑豚五花片、花雕醉雞件、花膠、家鄉墨魚滑、蟹籽蝦滑等
地址：尖沙咀海防道38-40號中達大廈3樓
講到尖沙咀你又會諗起乜嘢餐廳呢🍴？你會去邊頭覓食😗？厚福街？金馬倫道？韓國街？諾士佛台？我最近就去咗尖沙咀海防道呢間開咗一個月多啲嘅新火鍋店——人和月雞煲火鍋店 打邊爐🍲
「忘掉世間哀傷，圓月只配掛在團聚晚上」
嚟到呢間火鍋店，見到大大隻「人和月」嘅字再加上八月十五圓滿嘅月亮圖案🌕，不禁提起我要享受每一餐飯，畢竟我哋無人知聽日會點，都唔會知自己壽命幾時會終結，珍惜、享受，唔知你哋又做唔做到呢🥺？
依家新開期間有九折優惠，即喺免咗加一服務費，7:30pm前離座價錢再平啲🤑，$198起就可以任食120分鐘，火鍋店總共有三個「吃到飽」套餐可以揀，有普通打邊爐食勻豬牛雞嘅「精選品嚐」套餐；有埋韓式芝士雞、麻辣雞煲或者酸菜魚嘅「特選滿足」套餐；想食埋海鮮同多款靚牛肉可以揀「大滿貫」套餐。而我今次就5點入座揀咗個$268嘅「特選滿足」吃到飽😋
入座起計頭90分鐘可以掃QR code添加特色食物，
例如嚴選美國牛下肩、精選美國金錢展、特級美國牛胸爽、高級美國雪花肥牛、日本黑豚肉、日本黑豚五花片、花雕醉雞件、花膠、
家鄉墨魚滑、蟹籽蝦滑等等🐷🐮🐔，
而出面仲可以自助夾吓啲蔬菜、丸類、麵類，款式都唔少🤩
值得一提，除咗有韓國飲品同無糖可樂，餐廳仲自製咗一系列養生飲品比大家飲任🥤，包括蜂蜜菊花露、玫瑰茉莉花、桂花烏龍、洛神花蜜，個樽仲要好靚添😍
先食嘅喺三揀一嘅頭盤，我哋就揀咗老檀酸菜魚，可以按喜好揀唔同程度嘅辣，店員話第一次食叫小辣好啲，如果唔夠辣可以再額外加辣🌶。
魚片入口嫩滑，完全無骨又唔腥，酸辣嘅比例調配得幾好，幾好食😌，不過個人覺得油膩咗少少🤏
食完頭盤就揀湯底打邊爐，踏入秋天開始有啲涼意🍂，叫個胡椒豬肚湯底驅吓寒🐷，一打開蓋就聞到好濃郁嘅胡椒花椒香，豬肚份量都幾多，而且清得幾乾淨，食落爽軟無腥臊味👍
打完邊爐緊喺食返個甜品作結🤪，自製咗個Oreo碎黃糖豆腐花，你又想唔想試返啖呢😏
溫馨提示，火鍋店都幾旺場坐爆晒咁濟，記得打去book位拎埋訂座9折優惠啊😘
Post
