溫莎堡 (Closed)

早前嚟過食午飯覺得好嘈吵，今朝行過入去食個早餐，人雖然少了好多，一個人都可以坐卡位但係仍然覺得好嘈，人聲、電視聲夾雜一起，簡直係人聲鼎沸。叫咗個沙嗲牛一丁麵，火腿煎旦、餐包同奶茶（$20），火腿煎旦一早整好凍冰冰，反而餐包就有叮番熱，沙嗲牛無梳打味算唔差而一丁麵亦淥得剛好，始終最正都係杯奶茶，濃淡適中又夠滑。其實呢間茶記水準算唔錯，只可惜太嘈想坐耐D都唔得。