聯合興食館

Open Now

Now Closed

由大排檔到現在一直時不時去食，水準一直都唔錯，但係......講真，街坊生意，抵食大件係必勝方程式 (家陣貴了不少)，味道又保持不錯的水準，所以每次都真係排隊排到出門口，我每次6點9個字就要攞定位，如果唔係要等好耐......潮州打冷算有水準，不過今日好凍，我地食小菜同煲仔飯，其實都有好多野選擇，點了一個西蘭花斑塊 $45，真係大件又抵食，味道不錯，斑塊用薑汁炒過無雪味，肉質爽口臘腸滑雞煲仔飯，要等20分鐘，但就大大煲，唔似旺角水準，真係有飯蕉香，不過好似失手燶左少少，滑雞OK但臘腸就普通 (成55蚊俾好少少都可以姐)其實味道一直都可以但......服務- 成日聽到老闆大哎，大排檔風味，鐘唔鐘意就...伙記只係負責傳菜，即係無服務可言環境- 好多大枱，門口又可以坐，適合一大群人 (食煙人士必啱口味)，但坐得好迫...衛生 - 繼續大排檔本色，記得洗筷子 (我洗左三次，真係好多油)