鼎點 1968

Open Now

Now Closed

有時放午飯真係好想飲杯茶食個包，但每次飲茶都要好多人先可以叫都好多嘢食，同埋啲好食嘅大酒樓先好食，終於都搵到一間係唔使好多人，而啲嘢食係好好味嘅地方飲茶。仲要喺中環。去過好幾次，每次啲食物質素都keep住無變。雖然冇咗細個飲茶嗰種感覺，但係當你返工返到好攰，中午想飲個茶嘅時候，呢間食物質素絕對幫到你。咁啱幾次都坐樓上，環境雖然唔係好好，但都坐得舒服。感覺好似將茶餐廳同飲茶兩個文化夾埋一齊。炸鵝肝蝦餃特別推介，鍾意食蝦餃嘅人必要，但如果想食鵝肝嘅人就唔好叫，因為完全無鵝肝嘅味道。