Video
Read full review
2018-02-23
26 views
大年初七，人日，阿媽知我仲未開工，就一早叫埋我去太子嗰頭佢去開嗰間粵曲社聽佢操曲，順便跟班 Uncle、Aunt拜下年。老實講，粵曲我就唔多識欣賞，反而，我對樓下嗰間日本拉麵有興趣得多。所以，我等阿媽唱夠之後，就捉埋佢落去食拉麵。 聽完班長者操曲，真係需要搵個地方清靜一下。真係好! 新正頭呢個午市時段唔多人，可以靜一靜。如果是我一個人來的話，我實會揀去坐呢啲自閉位添。 店員好禮貌解釋完點樣用部平版之後，我就開始揀嘢食。阿媽見我篤來篤去覺得好新奇，仲話家下叫嘢食唔識用電腦咪無得食? 我答佢，無咁誇張，唔用平版，仲可以寫紙仔。 篤篤篤篤，就揀好咗要食咩飲咩喇，好方便。 【桂圓薑母茶 $20】、【日本抹茶牛奶 $20】、【日式炸雞塊 $20】一嚟就整杯【桂圓薑母茶】俾阿媽先，佢唱咗咁耐，俾佢潤番把聲就至啱。佢飲咗之後話好潤喉、好舒服。跟住就係我杯【日本抹茶牛奶】，少少甜，抹茶味好香，奶味都好夠，飲落都唔錯。仲有就係個即炸嘅【日式炸雞塊】，熱辣辣，香噴噴。阿媽要保住把聲，只吃一塊，話啲炸粉厚咗少少。其餘的我唔客氣了，俾我清晒佢。我覺得肉質都好嫩，炸得好鬆化，醃得又入味，點埋個甜辣汁仲好食! 【
聽完班長者操曲，真係需要搵個地方清靜一下。真係好! 新正頭呢個午市時段唔多人，可以靜一靜。
如果是我一個人來的話，我實會揀去坐呢啲自閉位添。
店員好禮貌解釋完點樣用部平版之後，我就開始揀嘢食。阿媽見我篤來篤去覺得好新奇，仲話家下叫嘢食唔識用電腦咪無得食?
我答佢，無咁誇張，唔用平版，仲可以寫紙仔。
篤篤篤篤，就揀好咗要食咩飲咩喇，好方便。
【桂圓薑母茶 $20】、【日本抹茶牛奶 $20】、【日式炸雞塊 $20】
一嚟就整杯【桂圓薑母茶】俾阿媽先，佢唱咗咁耐，俾佢潤番把聲就至啱。佢飲咗之後話好潤喉、好舒服。跟住就係我杯【日本抹茶牛奶】，少少甜，抹茶味好香，奶味都好夠，飲落都唔錯。仲有就係個即炸嘅【日式炸雞塊】，熱辣辣，香噴噴。阿媽要保住把聲，只吃一塊，話啲炸粉厚咗少少。其餘的我唔客氣了，俾我清晒佢。我覺得肉質都好嫩，炸得好鬆化，醃得又入味，點埋個甜辣汁仲好食!
【日式豚肉煎餃子 $18】
今次阿媽就讚餃子皮薄，隻隻煎到金黃色，層皮有少少脆兼帶點香口，咬落去仲有豬肉汁。三隻餃子佢霸咗兩隻來食。
【八爪魚波波 $18】
外邊層皮燒到金黃色，好香。裡面有墨魚肉粒，爽口彈牙。哈哈! 今次輪到我食兩粒。
【魂拉麵 $89】
拉麵嘅軟硬度揀咗中，醬油都係揀咗中。配菜有日式叉燒、玉子、魚蛋、昆布絲，仲有超大塊嘅紫菜添。豚骨湯底好濃烈，啱晒我。都唔顧得儀態了，食到啐啐聲，最後連湯都飲晒。
【鰹魚豚骨清湯拉麵 $63】
是幫阿媽揀的。配菜揀咗玉子、叉燒、筍干、木耳、粟米和蟹棒，咁大碗麵都只係 $63，仲平過我碗魂拉麵，抵到爛啦! 湯底加咗鰹魚餚製，令豚骨湯多了一重魚味，和魂拉麵嘅濃豚骨湯相比，都是不遑多讓。
不得不提的是流心玉子，啲蛋黃流心到呢見到都開心，連阿媽都話正。
阿媽話一直都唔知粵曲社樓下就有好嘢食，第日會帶埋班社友落去食拉麵。
Post
