坤記麵家 (Closed)

一間耐唔耐就會光顧既腩鋪，今晚又有機會光顧。晚飯時間依舊坐滿人，對面枱果位似乎係熟客，一嚟已經以純熟既口吻點餐。當然，我入到嚟都係腩河同腩飯既決擇。理性與感情之間，我揀左腩飯。紫菜湯，牛腩飯，瞬間已到。先以紫菜湯既咸香清清味蕾。望望腩飯，牛腩既份量一樣既多，腩汁亦足夠。再望真d，牛腩肉既部分偏少，同平時食開啖啖腩肉好似有d分別。希望今次只係人有失手，腩有失準，我一定會再嚟補考。