通達食店

Open Now

Now Closed

係旺角街頭，每間小食店都係堆滿人買野，場面十分混亂，死迫爛迫先入到店入面，唔好講話排隊啦，有位即刻要坐，慢啲都會比人霸。店內阿姐態度十分惡，呢啲都應該係小食店嘅文化黎。比錢買野食，根住就可以埋位食，係食緊嘅期間，起碼有十幾人企你隔離等位，食慢啲都會比人黑面架。韮菜豬紅大腸，豬紅好入味，軟硬適中唔錯吃。韮菜好老多泎。至於大腸，仲有好多肥膏係入面，而且有怪味，好懷疑自己食緊乜。碗仔翅，十分咸！肉絲又硬又鞋，完全唔掂。咖哩魚蛋同魷魚，兩樣都係湁熟，無左啲咖哩汁就無味，都ok唔難食嘅，不過貴啲啲囉。