囍源古早蛋糕 (Closed)

古早蛋糕賣到成行成市，但唔係間間都好似囍源咁會慢工出細貨，難怪小店好評如潮！店主以傳統水浴法製作蛋糕，每一盤需時2~3小時焗起，雖然耗時但可做出口感柔軟濕潤、唔怕燶邊燶底、好似蒸水蛋咁嘅蛋糕🤤 店員仲提醒蛋糕可以室溫、凍食或電飯煲翻熱熱食，口感各有不同，就算頭一日食唔曬都唔使驚🙆🏻‍♀️🔸鹹蛋奶黃鹹蛋同奶黃出奇地夾，鹹味唔會搶過奶香🔸黑糖薑黑糖味唔怕死甜，薑味唔會太辣，兩種味道好平衡！🔸黑芝麻芝麻餡多到唧出黎，芝麻香濃幼滑配上蛋香一啲都唔怕膩當日適逢母親節，好驚喜蛋糕上有特別圖案，好窩心♥️囍源以低糖少油無添加配方打造過百款味道，每日供應不同口味，想要特定口味亦可以提早幾日WhatsApp，一定揀到一款啱心水🥰