阿木台灣麵 (D2 Place TWO)

Open Now

Now Closed

今次就帶朋友來到呢間荔枝角D2place分店食，一樣Keep住水準！呢度有多款台灣小吃和飲品選擇，特別推薦佢哋嘅紅燒牛肉麵，係正宗台灣牛肉麵，仲有佢哋嘅蚵仔酥，特別迎香港人口味而推出，必點！紅燒牛肉麵份量十足，紅燒牛肉大大件，煮得非常入味，肉質軟腍多汁，配濃郁嘅紅燒牛肉湯，非常美味！滷豬耳滷得香噴噴，出色又入味，口感Q彈，有豐富膠質！蚵仔酥炸過之後，蚵仔飽滿不縮水，入口非常香口，外脆內軟嘅口感，正！飲品今次就點咗一杯金鑽鳳梨汁，味道酸酸甜甜，而且裡面有粒粒鳳梨果肉，非常有口感！而另一杯係金桔檸檬話梅汁，味道非常香甜，十分解膩又解渴！