新景園咖喱小廚

Open Now

Now Closed

灣仔食咖哩一定係春園街新景園，豬排用薄粉炸得甘香鬆脆完全唔會有乾柴感覺，仲要塊塊都好juicy多汁，豬排肉質肥瘦適中，肥肉部分咬落爽脆，調味亦做得好好，咖哩汁微辣帶點奶香，送飯一流，或者用豬排點汁食都係相當正，建議如果唔係太大食嘅可以落單時講比少啲豬排，因為真係好大碟好多豬排，當然食唔晒都可以自己帶走啦，不過啲豬排真係要堂食熱辣辣先好食。另外要讚嘅係樓面同事相當有禮貌笑容滿面，今時今日做飲食除左要出品好之外，樓面對外亦相當重要，無禮貌黑口黑面嘅絕對係趕客。價錢雖然比外面一般貴少少＄88碟，加10蚊可以轉套餐有飲品同一碟油菜，但個人覺得絕對係一餐滿足嘅咖喱飯餐。