店小二

Open Now

Now Closed

講到本地特色，又點少得大排檔呢！大排檔嘅人情味、火候鑊氣、親民嘅價錢，絕對係香港人嘅平民飯堂！講到北角嘅大排檔，自然就會諗起以前嘅東寶，而店小二就由一班前東寶嘅伙記打理，除咗供應多款東寶招牌菜之外，更還原昔日嘅熱鬧。麻辣鵪鶉皮蛋麻辣汁嘅辣度適中，將炸過嘅鷹嘴豆同炸蒜撈埋一齊食，醒胃之餘仲有份刺激感，加上香濃嘅鵪鶉皮蛋一齊嚟食，真係回味無窮！黃金魚皮嚟到大排檔，又點少得食黃金魚皮呢！即叫即炸即食嘅黃金魚皮，香味撲鼻，口感香脆，鹹蛋味香濃，絕對係最正嘅佐酒小食。鮮菠蘿咕嚕肉咕嚕肉同甜酸醬汁分開上？但絕對係呢個餸嘅重點，食之前先將咕嚕肉沾一沾醬汁，令咕嚕肉唔會太濕，可以保留咕嚕肉嘅卜卜脆口感，肉質軟腍，外脆內軟，非常惹味，味道層次豐富。荷葉清酒煮澳洲青口嚟自澳洲嘅青口，用上港式嘅煮法。大廚就用上荷葉同清酒呢個組合，令青口帶有荷葉同清酒嘅清香，極具層次。另外，每一粒青口都肉厚鮮甜，食落仲有啖啖嘅海水味。