黑木亭居酒屋 (金馬倫道)

黑木亭居酒屋 由地面到二樓，裝潢好有🇯🇵日本居酒屋風格，小燈籠、展示牌、壁畫、木系傢俬，熱鬧輕鬆嘅感覺，好適合同朋友相聚飲返杯💕🔅A5 宮崎和牛他他配洋蔥及特制酸汁 $199外層燒得香口，稍稍燒至半熟，令和牛獨有嘅脂香更爆發。入口牛味濃郁，配上生雞蛋混合洋蔥，加上特制酸汁，味道更添層次🐮🔅海產細味六杯蠔 $199分有三款味道：泰式醬汁、雞尾酒醬、經典日式酸汁，各樣 2 杯。生蠔肥美，本身喜歡食生蠔，所以偏好經典日式酸汁，簡單地帶出本身嘅甜味🦪🔅日本啤酒拉麵 $98用上大大個啤酒杯盛載拉麵，面層鋪滿厚厚嘅忌廉，扮作啤酒泡泡，拉麵則以冷麵做法。食嘅時候要有技巧地用特長筷子夾出，拉麵自然混合忌廉，無想到味道咁夾，拉麵亦爽口彈牙。推薦加入紫菜、芥末同雞蛋一齊食🍜🔅濃煮鮑魚豚角 $128鮑魚燜得軟腍彈牙，用小盤奉上，更添精緻。豚角煮有啲似東坡肉，湯底濃郁偏鹹，豚肉煮得入味，不過就無唔會有東坡肉膩嘅感覺🐷🔅蜜桃烏龍熊茶 $58🔅北海道士多啤梨牛乳乳酸 $48飲品賣相亦講究，好有心思🧸