Black As Chocolate (Closed)

估唔到今日終於食到Black as Chocolate嘅蛋糕啦，而呢間台灣蛋糕店主要就係以朱古力蛋糕為主題。 而去到鋪頭門口會有一種好高貴嘅感覺，而且佢亦有數款絲帶包裝蛋糕。 我今次就揀咗紫色絲帶，外表高貴而且非常之靚。 經典朱古力蛋糕：蛋糕拎出嚟果陣有淡淡可可香味，而朱古力蛋糕賣相有一層簿簿嘅朱古力醬且香濃幼滑，食落去唔會太甜，而咬落去蛋糕非常軟熟鬆軟，一層蛋糕配一層朱古力醬合共四層，而朱古力醬味非常濃郁亦唔會過甜加埋朱古力蛋糕，令食果陣層次更加豐富。而買蛋糕果陣亦送咗好多餐具等等，而佢嘅叉形狀亦非常有趣，形狀係惡魔叉。