老掌櫃東北菜館 (海之戀商場)

Open Now

Now Closed

海之戀都幾多嘢食，而且地鐵一出就係，見到呢間店舖8點好多人排，所以就揀咗佢黎試吓😌原來無加一👍食物都好大碟下，菜式選擇好多，今次得2人，試住一d先。孜然大蔥牛肉好有鑊氣而且份量滿滿，除左大蔥仲有香芹、洋蔥、辣椒，牛肉好滑食落唔會好辣而且味道濃郁送飯一流👍🏽好開胃肉三鮮餃子（豬肉韭菜蝦仁）10隻加左$8轉煎餃，餃子🥟煎得啱啱好唔會太膿，一咬落去有肉汁，滿滿既餡料，而且餃子皮好煙韌，食完會回頭😊麻辣鮑魚香鍋香噴噴一大鍋上，鮑魚都有六隻，入邊仲有啲唔同嘅配料，有薯仔，萵筍，四季豆，椰菜花等，食落好有鑊氣，香口濃味帶辣勁，雖然我唔係好食得辣，但係愈食愈想食，真係好過癮。食物真心幾正，值得一試。