Bread and Bistro (Closed)

約左朋友下午去黃竹坑Party Room玩，未夠鐘見肚餓就係附近搵食，以為工業區得工廈茶餐廳，點知係地鐵站對面就見到間環境唔錯既Cafe，估唔到假日都咁多人，二話不說就行入去試下。自家製黑松露醬牛油果蟹肉沙律先叫左個沙律，沙律菜爽口清新，加上黑醋汁酸酸甜甜好開胃，蟹肉份量非常多，作胃開胃菜一流。All day breakfast 配煙三文魚好大碟好豐富，材料多不勝數，每一樣都好好食，除左煙三文魚亦都可以揀漢堡扒。時令水果梳乎厘班戟本身都食到飽飽地，但見到梳乎厘班戟又點忍到口，即叫即整，口感鬆軟，加上忌廉更香更滑，就算有三大件都好快食哂。