Miss Pisces Creations

Open Now

Now Closed

《Miss Pisces Creations - 尖沙咀》呢間係我自己好私心喜歡既一間蛋糕店，由佢未開正式門店喺觀塘工場果時都已經成日幫襯啦，多數我都係買飲品同cake 多，佢地而家終於都開門市啦☺️仲要喺正尖沙咀漢口道，日後可以成日去啦😙今次買左唔少野番去同屋企人食，見佢地都有做其他pastry 同埋永生花，都幾特別💁🏻‍♀️抹茶鮮奶 每次嚟呢度我都一定買佢嘅抹茶鮮奶，口味濃郁，啱晒唔鍾意喺抹茶鮮奶入邊加咗糖嘅人，可以飲到佢抹茶既原味道👍🏻💁🏻‍♀️特大燕麥無花果曲奇 呢個我媽咪鍾意食，所以今次都買咗一個番去，個曲奇口感煙韌而且好香燕麥味，入面有少少無花果乾帶出返個甜味，一件睇落好大件，但係唔覺唔覺就會一個人食晒成件💁🏻‍♀️招牌松露芝士奶油卷 呢一個松露芝士奶油卷由網店嘅時候我已經好喜歡，口味甜甜地但又好重松露味，有啲似帶少少鹹味嘅肉桂卷，上面嘅奶油芝士好香，食晒成個可以連晚餐都唔使食啦☺️💁🏻‍♀️開心果巴克斯芝士蛋糕 開心果巴克斯係近年先至推出嘅產品，之前我一直都係食佢嘅抹茶巴克斯芝士蛋糕，但係試過開心果呢個之後就以後都淨係叫開心果味🤭之前剩係得原個買冇得散件，而家就算想一個人自私食都冇問