柴石燒 (Closed)

將軍澳大多數都係一啲大型連鎖商場，不過將軍澳南近排開咗一個新嘅food court，入邊有唔少嘅小店，而且間間都咁有良心，點可以唔試吓呢。一入到個food court見到有唔少食客都揀呢間嘅石燒牛扒，睇嚟味道都唔錯，一於試下。$88有一個套餐，包埋湯，沙律，牛扒，白飯，份量都幾夠，賣相都唔錯。石燒牛扒溫度好夠，熱辣辣，牛扒肉質唔錯，不過石板嘅溫度幾高，好容易就會令牛扒過熟。所以食嘅時候要小心，同埋食快少少，我就建議用啲蔬菜墊起塊牛扒，咁就可以減慢牛扒變熟嘅速度。亦都推薦佢個沙律，其實都幾新鮮，而且加埋芝麻醬味道好清爽。