Video
Read full review
2020-01-15
119 views
呢間韓式炸雞店朋友之前食過話好味，約埋我再去食多次！一入餐廳侍應妹妹就好親切咁招呼我地，安排入座時仲問我地想坐邊，服務態度一流，我地揀左靠窗梳化位，舒舒服服咁開始睇餐牌！我地好快決定食餐廳全新推出的太陽芝士雞鍋（$228），炸雞+焗雞有4款口味加埋12件，可以試多d唔同味又有芝士窩，食呢個set仲有飲品買一送一優惠，我地同樣揀左蘋果雞尾酒（$78）！聽住K pop music好快就有野飲，蘋果雞尾酒係Apple cider加西柚梳打，幾好飲，勝在冇加好多冰但都夠凍，而且好大杯，岩晒食炸雞易口乾唔會好快就飲晒！買一送一好抵！然後芝士雞窩到了！同餐牌張相一模一樣架，侍應教我地等芝士溶就食得，共有四款無骨雞口味，韓式炸雞好香脆，炸到鬆脆的雞皮沾上芝士真係好難抗拒；而我最喜歡炭燒煙燻焗雞，煙燻味好香之餘又食到雞肉的鮮甜味。無論炸/焗雞肉都好滑，又保留到肉汁，唔會好乾同鞋。餐廳裡面裝左幾部電視都播緊K POP，睇住韓國女團MV，飲野食炸雞，食得好爽的一餐！最近餐廳做緊 *晚上8點半後78折* 優惠，有興趣可以留意下啊！
呢間韓式炸雞店朋友之前食過話好味，約埋我再去食多次！一入餐廳侍應妹妹就好親切咁招呼我地，安排入座時仲問我地想坐邊，服務態度一流，我地揀左靠窗梳化位，舒舒服服咁開始睇餐牌！
我地好快決定食餐廳全新推出的太陽芝士雞鍋（$228），炸雞+焗雞有4款口味加埋12件，可以試多d唔同味又有芝士窩，食呢個set仲有飲品買一送一優惠，我地同樣揀左蘋果雞尾酒（$78）！
聽住K pop music好快就有野飲，蘋果雞尾酒係Apple cider加西柚梳打，幾好飲，勝在冇加好多冰但都夠凍，而且好大杯，岩晒食炸雞易口乾唔會好快就飲晒！買一送一好抵！
然後芝士雞窩到了！同餐牌張相一模一樣架，侍應教我地等芝士溶就食得，共有四款無骨雞口味，韓式炸雞好香脆，炸到鬆脆的雞皮沾上芝士真係好難抗拒；而我最喜歡炭燒煙燻焗雞，煙燻味好香之餘又食到雞肉的鮮甜味。無論炸/焗雞肉都好滑，又保留到肉汁，唔會好乾同鞋。
餐廳裡面裝左幾部電視都播緊K POP，睇住韓國女團MV，飲野食炸雞，食得好爽的一餐！最近餐廳做緊 *晚上8點半後78折* 優惠，有興趣可以留意下啊！
Post
