麻辣風雲 (京都廣場) (Closed)

今晚同屋企人食川菜，揀咗位於📍銅鑼灣京都商場5樓嘅「麻辣風雲」👨‍👩‍👧‍👦 餐廳好full好旺場，不過好彩我哋一早上網book咗枱，唔使等位😌食辣嘢梗係要返杯凍冰冰嘅🥥椰汁冰～椰汁好清甜，飲落味道好自然，應該真係用新鮮椰汁打成冰，不錯😄第一次食🍲毛血旺，令人驚喜～配料有鴨血、鮑魚、鮮蝦、蠔同肥牛，一銅有肉又有海鮮😍紅噹噹嘅辣湯麻辣鮮香，係一種比較容易令人接受嘅麻辣❤️超邪惡🐷干煸肥腸～肥腸先炸後爆炒，形成脆皮但內裡柔軟嘅口感🙊加上有好多好多嘅乾辣椒爆炒過，惹味到癲😍咁好食咁正嘅餐廳果然值得捧場，屋企人仲諗定下次嚟要食咩，好期待🤩