Route 99 (Closed)

好難得入嚟將軍澳行吓，由地鐵站一路往海旁行，除咗想行D字頭企鵝百貨公司，原來呢一區都有好多新發現，包括一路行嘅時候發現好多人都帶住狗仔散步，唔怪得知呢度連獸醫診所都有，隔離仲有間寵物餐廳添！呢度嘅店員介紹俾我哋知，除咗眼見嘅寵物產品同埋食物，呢度仲有寵物美容同埋寵物保險埋，真係好全面喎！不過我冇寵物就梗係關心食物多啲啦🤣🤣呢間係美國餐廳，食物同裝修都好洋化，加上隔離枱係外國人，我坐咗入去一陣都已經感覺好似去咗旅行咁，個人離開咗香港啦😆😆我哋先叫一碟雞翼，有幾個味可選，選了蜜糖芥茉，醬料很多，淋滿了炸好嘅六隻雞翼，雞翼都肥嘟嘟，外脆內軟，好味呢！有趣的是伴碟的是西芹條，真係未試過，不過點埋沙律醬，又好清新爽口喎，幾唔錯嘅嘗試。另外呢度有唔同款式嘅三文治、熱狗和漢堡等，我哋就點了一款meatball sub，就是熱狗包夾着四粒大肉丸，肉丸本身有啲茄醬夾雜着，上面還有沙律醬，味道是不錯的，肉丸彈牙濕潤，yummy!!還附送大量薯條，揸得炸得不錯。食薯條又點可以唔飲汽水呢，一杯忌廉一杯七喜，成為$56 ！價錢唔平，不過相比起呢度整體環境，差唔多㗎啦！最後我們還要了一個香蕉pancake，$98