Video
Read full review
2010-12-27
2 views
本來約左四個朋友一齊食呢間放題，不過班人全部遲到。幸好聰明的我一早訂左桌，否則就要食西北風當飯前小菜了。 坐左在門口位的我一邊看選單，一邊等人。可能因為人多，加上樓上鋪狹小，餐廳改左我張枱去門口嗰張，其實根本是門口通道，感覺自己似係坐響度阻塞通道。門口有時仲開住，不動真係好凍。好彩副經理幾nice，提我點菜可能花一段時間，叫我點左野食先。順口一問，先知是＄１７８＋１一位，不是朋友口中的＄１５０－１７０。 等到三個朋友（一男兩女）到左（有一個遲到來不了，因訂７點枱，８點半要交枱，而且８點１０分截單），我已經食左一碟三文魚刺身。時值７點半多一點，班友真係遲到離哂譜。然後職員同我地講因為時間不多，你地（我們）可以叫多一點食物。 我的一個女性朋友聽到之後真係狂填選單，見係格都寫１０個咁滯，此時我不以為意，因為我諗佢唔會俾足，之後先知出事...... 開頭食得幾開心，但食物愈來愈多。雞翼１０隻、燒魚餅２大片、燒雞肉一碟、炒魷魚２碟、大烏冬２碗、小烏冬都５碗......咁就一人食一碗，我本人食左２碗，別忘了還有一大碟雜錦魚刺身一長碟。......呢鑊真攞命，我開始懐疑我朋友叫果陣係
本來約左四個朋友一齊食呢間放題，不過班人全部遲到。幸好聰明的我一早訂左桌，否則就要食西北風當飯前小菜了。
坐左在門口位的我一邊看選單，一邊等人。可能因為人多，加上樓上鋪狹小，餐廳改左我張枱去門口嗰張，其實根本是門口通道，感覺自己似係坐響度阻塞通道。門口有時仲開住，不動真係好凍。好彩副經理幾nice，提我點菜可能花一段時間，叫我點左野食先。順口一問，先知是＄１７８＋１一位，不是朋友口中的＄１５０－１７０。
等到三個朋友（一男兩女）到左（有一個遲到來不了，因訂７點枱，８點半要交枱，而且８點１０分截單），我已經食左一碟三文魚刺身。時值７點半多一點，班友真係遲到離哂譜。然後職員同我地講因為時間不多，你地（我們）可以叫多一點食物。
我的一個女性朋友聽到之後真係狂填選單，見係格都寫１０個咁滯，此時我不以為意，因為我諗佢唔會俾足，之後先知出事......
開頭食得幾開心，但食物愈來愈多。雞翼１０隻、燒魚餅２大片、燒雞肉一碟、炒魷魚２碟、大烏冬２碗、小烏冬都５碗......咁就一人食一碗，我本人食左２碗，別忘了還有一大碟雜錦魚刺身一長碟。......呢鑊真攞命，我開始懐疑我朋友叫果陣係無睇上面ｄ中文字... orz
結果當張枱都擺滿了（其實很小），我當機立斷同個侍應講cut哂剩低的單，噩夢先基本上發完，剩下係要ｋｏ哂ｄ食物（有剩會加收費）。有時唔係好知自己食緊咩，叫咩名，因為唔係我叫......
之後七手八腳食左好多野，四個人都飽到上心口。雖然有少少辛苦，但ｄ食物真係好好食，同我個傻傻地嘅朋友當初講嘅一樣，食物味道一流，而且刺身都好衛生，我食完都無任何不適。
我真可以同人講，只要你有一個好位置；有帶夠錢；同你食嘅人係正常嘅，你係度食日本料理會食得好安樂！ ＠＠
Post
