hoo韓國包車

Open Now

Now Closed

朋友話有間新開好靚既韓國餐廳想去試。我望過啲相同食評都ok，就滿心期待約左上星期五去食。一去到想叫酒，但侍應話未有酒可以供應，已經有啲失望。你個餐廳名叫포차(包車)，但無酒都算我當你新開未拎到酒牌，我地叫左3樣野食，3樣都難食。1. 辣燉雞湯(中) $138 湯底係辣粉+味精+水，雞同薯仔完全無味，同我係屋企為左減肥煮既白烚雞一樣。食到懷疑人生，完全係減肥食物。2. 辣辣無骨雞腳 $98一食落口有陣怪味，唔知係咪變壞左。食左兩舊放棄左。3. 薯仔煎餅 $85口味黎講呢個最正常，但口感又濕又油。我同朋友係幾年前係韓國讀書住過一年，從來都無食過咁既口味既韓國菜，明洞是但一間都好食過佢。因為懶，我無係openrice寫過食評。但為左佢，我寫左第一次食評，希望大家審慎決定。P.S. 我淨係影左雞腳既相係因為只係想快啲走唔記得左影其他，真係有叫到其他2樣黎食。