今助烏冬御膳 (Closed)

因為呢間餐廳逼使我開openrice account 難食到本身想食牛角buffet，太多人就轉戰呢間野，見佢門口放出來的set都幾吸引就入左去。我叫左一個炸豬扒set，朋友就叫左一個類似綜合set。先講我個豬扒set，有湯有飯有炸豬扒有燉蛋有刺身。 好似好抵食味噌湯咸過自己d汗，唔知點解有陣發酵味，終於飲酒可以試試，幾似暖而無氣的啤酒。飯係最好食，因為係唔凍炸豬扒乾過我媽d肉，炸粉做得好薄好貼，貼到幾乎睇唔到食唔到。燉蛋係成個set最好食，所以食哂。刺身係室溫，食落口個溫度好怪，個蝦介乎熟同唔熟之間我個朋友個綜合set個牛肉凍過刺身，完全唔明點解會係咁凍，事前問我地五成熟得唔得其實無咩意思，幾多成熟都係咬唔開。