紅豆烘焙 (寶靈街)

Open Now

Now Closed

今日路過紅豆烘培，有啲想食甜嘢，所以買咗個蛋撻試下，一個16蚊，都頗貴。之前試過冰心麻糬覺得幾好食，於是都對呢個睇落有盤撻咁厚嘅蛋撻有啲期待。結果！！！一試個撻芯就開始皺眉頭，唔可以話冇咩蛋味，係連味冇咩！通常話唔甜係對甜品最大嘅稱讚，但呢個唔係甜品，係蒸水蛋。可能因為放得耐凍咗，蛋撻芯有粒粒氣泡，再加埋底部嘅細塊麻糬，係一種頗特別嘅口感……至於撻皮，我嘅要求一向唔高，只要焗熟就得。而佢竟然可以做到焗熟都有粉味，加上水蒸氣令底部浸濕，就好似我個人咁頹。最後只好咬牙浪費食物……總括而言，唔好試蛋撻。