十二味 (赫德道)

Open Now

Now Closed

星期六同朋友出去食飯，見到呢間有得食酸菜魚，就揀左佢黎食。嗌完餐會有啲花生同酸梅湯上，味道酸甜幾好飲。咁佢lunch set免加一，我地先嗌左一個酸菜魚，佢會配埋飯，同一個酸菜魚麵。我同朋友都覺得佢d酸菜魚好食過好多店，咁佢都辣辣地既，但d魚好嫩滑，令人想繼續食。不過好似配飯係好食d，麵會比較幼同淋d，但浸落魚湯度食味道搭夠。我地仲嗌左個小食，川式口水雞(小辣)，佢都幾大碟，佢個辣度幾好，唔太辣會覺得係麻多d，如果d雞可以再嫩滑d咁就prefect。呢度地方幾大，座位舒服，個設計都幾有feel，一路食仲會聽到d好有趣既廣東話歌。