Video
Read full review
2017-12-08
3007 views
十一月又有朋友生日，是次照舊選擇泰國菜，幾乎個個都啱食。觀塘嘅泰國菜都差唔多食勻曬，所以今次行遠少少嚟到牛頭角Lemon Grass試試佢，但係食物嘅質素就較為參差喇。叫咗一個四人套餐再額外加幾個主菜。先嚟飲品龍眼冰，椰汁冰，青檸梳打，除咗友人嘅青檸梳打外，其他全部都好甜，係甜得過份，飲落去直程有種灼喉嘅感覺，龍眼應有嘅清甜亦被糖漿完全掩蓋曬。雖然泰國飲品以甜見稱，但建議餐廳可以調整一下糖漿份量，否則呢幾款飲品都唔討人喜歡。蒜蓉包就令我失望，一上菜見到係多士就已經心知不妙，仲要係厚多士，口感自然欠奉，而且好乾，中間幾乎係白面包嘅狀態，咁厚嘅一塊多士，面層嘅蒜蓉根本帶唔到入去，食蒜蓉包緊係想食法包個種鬆化，麵包密度無咁多先可以經熱力將蒜蓉滲入包嘅每一個角落，選擇厚多士係不折不扣嘅敗筆。更重要嘅係，我估計佢地都係用現成蒜蓉醬，所以基本上我完全聞唔到蒜蓉同牛油香。生菜包就唔錯，辣度剛剛好，加入香草去卻了豬肉嘅臭騷味，豬肉粒粒分明。份量都唔算少，七個人食每人都分到一至兩次。榴槤Pizza還可以，面層嘅榴槤醬加入少少香料後更能突顯榴槤嘅甜味；所謂Pizza即是薄脆，咁樣比起傳統Pizza反而唔會
叫咗一個四人套餐再額外加幾個主菜。先嚟飲品龍眼冰，椰汁冰，青檸梳打，除咗友人嘅青檸梳打外，其他全部都好甜，係甜得過份，飲落去直程有種灼喉嘅感覺，龍眼應有嘅清甜亦被糖漿完全掩蓋曬。雖然泰國飲品以甜見稱，但建議餐廳可以調整一下糖漿份量，否則呢幾款飲品都唔討人喜歡。
蒜蓉包就令我失望，一上菜見到係多士就已經心知不妙，仲要係厚多士，口感自然欠奉，而且好乾，中間幾乎係白面包嘅狀態，咁厚嘅一塊多士，面層嘅蒜蓉根本帶唔到入去，食蒜蓉包緊係想食法包個種鬆化，麵包密度無咁多先可以經熱力將蒜蓉滲入包嘅每一個角落，選擇厚多士係不折不扣嘅敗筆。更重要嘅係，我估計佢地都係用現成蒜蓉醬，所以基本上我完全聞唔到蒜蓉同牛油香。
生菜包就唔錯，辣度剛剛好，加入香草去卻了豬肉嘅臭騷味，豬肉粒粒分明。份量都唔算少，七個人食每人都分到一至兩次。
榴槤Pizza還可以，面層嘅榴槤醬加入少少香料後更能突顯榴槤嘅甜味；所謂Pizza即是薄脆，咁樣比起傳統Pizza反而唔會太heavy。
冬蔭公好足料，都有大約有四至五隻蝦，而且草姑份量都好多，香料味重，做到冬蔭公應有嘅濃度。
串燒都係正路嘢，由於我無食到就不作評論。
豬頸肉都係正路嘢，豬頸肉都幾難整得唔好食，每片厚度都平均，唔會烤到變柴皮。
金邊粉都係正路嘢，夠濕，但係又唔會炒到變咗一Pat Pat。
雞都係正路嘢，雞肉嫩滑，但係個配送嘅汁醬就完全分辨唔到佢係咩嚟，似魚露非魚露，似豉油又欠卻豆香，即使點咗唔會帶起雞嘅鮮味，只係會覺得「咦，咸咗嘅？」僅此。
烏頭我認為係今餐最好食嘅主菜，餐廳有輕輕用鹽擦過魚肉，所以好夠咸香，而且魚肉尚算嫩滑，夾起上嚟又唔會散修修。
我會講話呢間嘢嘅主菜正路嘢居多，但只係僅止於此，暫時未見有任何一款餸菜真係令我好食到嘩一聲，而且小食同飲品真係令我大為失望了，所以短期之內都唔會有下次了。
Post
