平昌 By BBQ 7080 (Closed)

2/1/2017開始。12點幾起床，想起平昌7080(之前吃過幾次都不錯)但咁晏唔知有冇哩? 咁我打電話去問下先啦，冇人聽喎， 咪諗住食過第二間囉，點知 冇幾耐佢就覆返我，當時是1時06分，我就問佢，今日有冇中午自助餐食呀? 幾多錢呀? 個人可唔可以食? 佢話一個都可以，講曬啲價錢畀我聽，重叫我而家來，我問佢最遲幾點要到?佢話2:30，但你最好2點到，重叫我而家嚟㖭！咁我即刻搭的士去囉，點知1:45去到， 我同個男仔講一位，咁佢叫我等一等，等完佢捧餐之後，我見佢叫個女仔同我講，今日冇曬午餐呀! 佢哋居然話比我聽今呢午餐已經冇曬喇 !本來已轉身想走，等緊時唔忿氣 。咁我再問佢哋午餐時間係幾多點呀，佢又答唔出，佢先話我知今日廚房冇曬嘢食， 我話畀佢聽冇曬嘢食頭先打電話嚟嗰陣時，你哋又叫我嚟? 佢先話你如果唔介意嘅，你可以坐低嘅。 咁我梗係唔會坐低啦你都冇嘢食囉! 但落到樓下，見仲有個阿嬸喺度派緊傳單，先知道佢又敷衍我啦!如果你中午已經冇曬嘢食嘅話，夜晚點算呀! 啲嘢食邊度返得切呀! 仲有去佢個場有咁多個位，我上到去都未坐滿嘅 ，我得一個人咋，又點食得晒佢廚房啲嘢呀！