你妳 (Closed)

以前去荃灣就總會去呢間「你妳」食，不過最近結左業，好在仲有黃埔呢間，所以今日黎開附近就決定買Ｄ外賣返去食啦！🤪首先一定要食呢個店員推介：白兔糖鮮奶麻糬！😆望到個包裝，童年回憶翻曬黎！本以為會好甜，但原來白兔糖加鮮奶不但唔會過溜，仲會有好濃既奶香味！🤩加上醬爆又煙韌口感，簡直係視覺味覺嗅覺享受吖！😋😋另外我地仲叫左佢既招牌：芋泥吐司！今次同朋友揀咗肉鬆芋泥吐司，一拎上手真係比份吐司辣親手！🤤仲要芋泥同肉鬆多到就嚟要逼爆份吐司，芋泥有淡淡芋頭味，好綿密細緻！肉鬆好鬆化，麵包好明顯有搽牛油烘過脆卜卜，十分出色！👍🏻然後係呢個台灣甜不辣加地瓜蕃薯條，之前食過幾次甜不辣都係堂食，估唔到拎返屋企食仍然幾脆！地瓜條條條都好粗，冇揸流攤！😆另外我地都點咗個芝士肉鬆蛋餅，個蛋餅係酥皮底，煎得非常香脆，中間嘅芝士就嚟爆出嚟咁！再配上佢個少少甜嘅醬汁，真係食唔停，差啲一個人食咗成份！🥰😋最後介紹野飲，我地叫左古早冬瓜茶、葡萄柚綠茶同白桃烏龍茶，全都係好正宗好清新既台式飲品，食完咁飽既野飲杯野好好嘆下！😚😚