Video
Read full review
2018-09-02
994 views
在OpenRice 睇到咁多負評，都有dd 心理準備。但見圖和佢哋"好耐之前"的網頁，又覺得這地方幾有特色，所以約了幾個姊妹來聚一聚。點知真的中伏。。。首先講食物係ok，環境係ok,星期六七點至十一點都坐唔滿，當然ok。但係有原因的，稍後解釋。最unacceptable 的也是最重要的，是這裡服務態度奇差，正如其他留言者所說。首先，回想訂位的過程已很吊軌。我以為正常呢d cafe星期六晚一定係勁full,所以我星期一已打去book位。我問電話那位小姐，可唔可以坐冇band的那層，佢話，現在已沒有band表演了。咁我即是坐邊層？佢話，你到時來到就知! 同埋，本身你係冇得揀層數!現在回想，其實訂位呢野已經feel到有伏味。到左琴晚，終於去左呢間以為可以呼吸的.cafe,因為我唔知自己坐邊層，所以就上左二樓。個侍應幾nice,走埋來問我幾多位，我話book左五位，宜家改四位，咁佢就叫左我上三樓啦。當時七點，我見二樓都有d full,咁就諗，上三樓都係應該嘅。上左三樓，嘩，正啊，冇人咁滯，只得兩張二人枱有人! 星期六喎，旺角喎，夜晚七點喎中途有一班年輕人，六七個行了入來。點知有個waitre
首先講食物係ok，環境係ok,星期六七點至十一點都坐唔滿，當然ok。但係有原因的，稍後解釋。
最unacceptable 的也是最重要的，是這裡服務態度奇差，正如其他留言者所說。
首先，回想訂位的過程已很吊軌。我以為正常呢d cafe星期六晚一定係勁full,所以我星期一已打去book位。我問電話那位小姐，可唔可以坐冇band的那層，佢話，現在已沒有band表演了。咁我即是坐邊層？佢話，你到時來到就知! 同埋，本身你係冇得揀層數!
現在回想，其實訂位呢野已經feel到有伏味。
到左琴晚，終於去左呢間以為可以呼吸的.cafe,因為我唔知自己坐邊層，所以就上左二樓。個侍應幾nice,走埋來問我幾多位，我話book左五位，宜家改四位，咁佢就叫左我上三樓啦。當時七點，我見二樓都有d full,咁就諗，上三樓都係應該嘅。
上左三樓，嘩，正啊，冇人咁滯，只得兩張二人枱有人! 星期六喎，旺角喎，夜晚七點喎
中途有一班年輕人，六七個行了入來。點知有個waitress 就問佢地，有冇book位，原來佢地係walk in,咁個waitress就叫佢地去返二樓。那時我才知原來係有分walk in 和訂位的層數，咁我諗，可能八點之後就好熱鬧好多人呢，但後來先知點解會咁分。。。
以為搵到個世外/桃源，點知好戲在後頭。。。
唔叫野前還可以，一開始食野就🔥🔥🔥🔥
最初我們叫了炸薯條，我有個朋友是茄汁控，於是我們問一個黑色衫waitress (就係呢個黑面神趕客)想另外叫一碟ketchup, 佢竟然9秒9就話，"吓呢碟已經好多囉喎，你不如食咗先啦，唔夠先再加"。話哂我哋係客，佢好似我地阿媽咁款去say NO,真係打個突。
我朋友已開始有微言，不停咁在我地面前話嗰個黑面神。我地最初反而勸個朋友，唔緊要啦，其實都幾多茄汁啦，出來食野開心就得。
等到其他野來到，我地想有四隻碗方便食野，都好正常啫。叫了黑面神(其實都唔想成日叫佢，除左水吧有個男仔外，就只有兩個waitress, 一黑一白衫，但白衫嗰個成日唔知去左邊，唯有迫住叫黑面神)。佢聽到我地要碗，就粒聲唔出走去攞碗。
好啦，之後又來了pizza,我朋友又想加芝士粉。黑面神即刻話，"我地冇芝士粉".。吓？一間有意粉賣的cafe冇芝士粉？？你信嗎？？？
這時，我地都開始覺得好奇怪，我朋友就更直接同我地講，佢肯定唔係冇芝士粉，係唔想俾啫。
雖然係咁，我哋都繼續忍，再order左甜品，是一份泡芙，一件NY cheesecake, 和一份朱古力雪糕waffle,諗住見個menu的甜品好似好吸引，食埋開開心心就算。到落order時，才知泡芙是"季節限定"(但唔知边個季節，冇寫，係由佢地控制吧)。跟著，過左十分鐘左右，黑面神"好開心"笑住咁行過來講，"我同大家講個壞消息，係waffle已經賣哂"。我問，係幾款waffle都冇哂？佢就好肯定講個"係"字。
其實我地大家都feel到大家在諗咩，所以已經冇再叫其他甜品，就等唯一可吃的cheesecake, 然後就走人。
Cheesecake 來了，但我哋之前吃主菜的碗呀叉呀全部冇人收，等了好耐，我地將那些碗和刀叉都放在裝飾的另一張枱上，咁白衫waitress見到終於行過來收哂。但冇人再俾叉和碟我哋，我哋想要share 件cheesecake 。
又唔知等左幾耐，黑面神又出現，我哋就叫住佢，其實一直都好禮貌，問佢俾叉同碗或碟。佢竟然好驚雅咁話，"吓,又要四隻!"
講到呢度已經唔想再講 之後我哋發現原來呢個黑面神係負責埋洗碗 咁我哋到返轉頭諗就完全明白曬 點解佢最初叫嗰班walk in嘅人落番樓下 點解佢話冇waffle 點解佢最尾串我哋要攞四隻碗。。。 就係因為佢唔想洗咁多碗!!!!
最後我哋亦都明白 點解佢嗰層到11點都依然冇坐滿人。
相信以後旺角其他餐廳都冇曬位 我哋都唔會再嚟。
Post