桃園制作粥麵餐廳 (迎海薈) (Closed)

放假入馬鞍山搵姊妹食飯，由於唔想食得咁heavy, 於是嚟咗呢間，雖然門口仲有2，3枱等緊，但可能我們只得2人，所以只係等咗一陣就入得。入到去，原來有好多位，仲係已經執好枱，咁點解仲要客人喺外面等哩？我們2個人，點了一碟炒飯和一碟松子魚。炒飯先到，但是沒有匙羹，枱面上的餐具箱內亦沒有匙羹，只有筷子和叉，當然是要向侍應生索取㗎啦。好不容易才找到一位女侍應，在向她表明需要匙羹之後，她二話不說，即刻走到後面張枱，整個餐具箱一嘢拍在我面前，然後走開，整個過程只需約2秒鐘，她沒說出一句話。嘩，要隻匙羹啫，都唔使咗掛，之後我們自己放番個餐具盒去後面枱囉。碟飯都okay, 唔算油，瑤柱海鮮炒飯材料都足，有蝦(雖然唔多新鮮)，食落冇蝦味，雖然預咗係雪蝦，但是肉質好似被梳打粉乸過咁，冇味。有帶子，雖然細細粒，但都有咬口，比起d蝦好，而且仲有唔少添，都算唔錯。條松子魚都炸得可以，脆醬唔算厚，仍可保留魚嘅鮮味，皮是脆口而魚肉都保持嫩滑水份，很喜歡。不過服務態度咁樣，相信下次應該會先選擇其他餐廳喇。