芝脆雞 (Closed)

因為慈媽唔起屋企，所以叫左外賣，星期一至五套餐：墨西哥香辣薄批、炸雞x2、芝士西蘭花，跟湯x2。我有打電話催佢(等左1小時)，送到黎1小時20分鐘，打開個盒拎起個批就覺得不妙，薄批既話應該批底係脆，但今次拎起手軟啤啤，咬落口似麵粉未焗得透咁…而且個批d調味好唔均勻，一邊好鹹，另一邊o岩岩好…好彩d料熟，不過個批底真係好難食囉，以前都唔係咁。炸雞同以往一樣好食，但個芝士西蘭花一般，可能d西蘭花唔靚，食落口無味，剩係食到成口芝士(…但無芝士味)。今日係星期四，都唔知點解要等咁耐……耐都唔緊要，但唔好拎個未整好既批俾客人嘛，唉。