嵐橋丼飯專門店 (Closed)

太耐冇同best friend 食餐好，同樣係日餐愛好者嘅我地搵左間價格唔太貴專食丼飯嘅餐廳。我地就叫左冇係menu裡面嘅廚師推薦。事關我係超級鐘意食鰤魚，鰤魚有獨特嘅油香味，而且係香港好少機會食到，難得有一定要叫。師傅所用嘅都係非常新鮮嘅食材。單單賣相已經加唔少分。主角鰤魚當然勁鮮甜冇得輸。鵝肝好深刻，面頭煎得焦脆，油香四溢，撈飯食一流。 普通叫一個丼飯就會送味噌湯，但我地見加28蚊就可以有𩶘魚湯。個湯係奶白色，鮮甜嘅程度係媽媽用成條魚熬出黎嘅感覺，好得! 鷹羽鯛丼 呢到嘅丼飯有一粒粒透明嘅啫喱，原來係壽司醋啫喱，客人可以按照自己喜好，想要個壽司飯酸D都得。鯛魚係清爽，肉質緊實，油甘魚就主打肥美， 配合蟹肉同蟹子食係完美! 日本阿波酢橘雞心 第一次食雞心有唔好嘅經驗，所以平時基本上唔會叫。但朋友好鐘意食內臟，咁就試下。雞心完全冇奇怪腥味，有咬口但唔會似腎咁硬。 日本阿波酢橘雞皮 邪惡嘅雞皮就算熱氣都想食，雞皮多餘嘅油已經係燒過程逼走曬，脆卜卜當正自己食零食