新東記火鍋店 (Moved) New Location

又有farewell，同事book左新東記打邊爐。成枱十幾人分左3個煲，唔辣既揀左洋蔥牛肉湯，花雕醉雞湯底，食辣既朋友就揀左四川麻辣湯底，都話左小姐唔食辣架啦，所以坐左係醉雞湯前面＝］湯很濃，酒味夠香，雞件又滑唔會太肥膩，正！叫左勁多配料，緊係啦老闆資助丫麻，貪心啲要埋刺生，先黎個必食既象拔蚌，超級新鮮爽口，每片都切得好薄身,再叫多個龍蝦刺身，嘩雪白既龍蝦肉鋪左係冰上面真係無肉仿有肉咁。一片放入口，即刻溶化，鮮甜既海鮮味湧出，好正。打邊爐點可以無牛肉，叫左個鮮嫩肥牛肉，每片既雪花都好均勻，成件藝術品咁。只需係湯入面淥5秒，立即變色得左。無需任何醬料，牛味勁出，呢一刻我把持唔住，淥多一塊。牛味黎講，呢個牛白肉先係皇者。唔講唔知呢碟係牛，外形似脂肪好軟滑，其實係接近牛胸的軟骨位，質感爽脆又唔會油膩，非常之特別。另外仲有珊瑚蛘，膳片，菜，午餐肉，饗鈴，菇，仲有即即魚面，好彈牙呀，又好玩。叫到成枱都係食物真係食得好滿足，最高興既係食物質數頗高，對於新鮮食材既餐廳真係要一讚。題外話，呢個醬料架每人要俾廿蚊架，算係咁，大部分配料都齊，幾架勢。