上海婆婆336 (荃新天地) (Closed)

一年前經過個度食過一次..個陣食唔知咩炒飯..覺得好正,..今日再度去試下下午茶..叫左個蔥爆羊肉拉麵+紅油炒手 友人叫左鎮江肴肉..先黎個肴肉 因為凍凍地應該拎出黎就係所以最快..唔錯...幾軟硬適中..係味唔夠濃郁..有六件仔..之後到我個拉麵啦..原來佢d拉麵都幾有彈性..直頭可以媲美上海xx包個間有過之而無不及啦甚至乎 羊肉就預左份量小..得4舊左右..但好有羊味..蔥都好多下..我覺得有營養當然食哂它啦..呵.. 最後最讚係個紅油抄手..d肉雖然唔係好突出..中規中句..但撈埋d汁就另捨不同..d汁小小辣 辣中帶甜..同以往食開齋辣有d唔同..加上最近先知原來食餃子類其中一食法係食左一啖仔再將想加既汁倒入去咁就咁入味..呢個至岩應用係炒手度啦~~果然唔錯試左後 送個杯豆漿都有水準..幾好味..餐具衛生ok..但係中途見有野係空中飛過所以扣一分環境就因為d冷氣係離自個商場 係空間上巳經流失不少..來到我附近的巳不太協調..怕熱既我食豌拉麵都出汁就覺了..