Savour Cafe

Open Now

Now Closed

品味係我至至愛餐廳之一，每次去食晚餐，都必定會點雜菌忌廉湯、鵝肝意大利飯，每次都好滿足咁走。今次撞正下午茶時間，入到去見到有tea set，但都忍唔住叫個雜菌忌廉湯飲下，一解我既「思湯之愁」。今次叫左以下兩樣食物：雜菌忌廉湯同埋pizza雜菌忌廉湯先上，當我一口飲落去，就覺得好似差D野咁。之前我食晚餐飲同一款湯，係較杰身，飲落好香mushroom味，同埋食到有mushroom碎。唔知係咪tea time唔suppose有人叫湯，佢特登幫我整，今次既湯明顯較"水"，冇乜mushroom碎，飲落亦少左mushroom香味，如果要同之前飲開既比，今次既可算係失望之作。飲完湯，試下個pizza，呢個蕃茄巴馬火腿pizza係我第一次試，味道不過不失，冇乜特別驚喜。tea set 奉送飲品一杯，不過我飲完個湯已經飽左，只係飲左少少熱檸水就走喇。睇黎要搵番我至愛既湯，要等晚餐再黎試過。